आरबीआयने मुंबईतील बँकेवर कारवाईचा वरवंटा फिरवला, शाखेबाहेर ठेवीदारांची प्रचंड गर्दी

रिझर्व्ह बँक ऑफ इंडियानं मुंबईतील न्यू इंडिया को ऑपरेटिव्ह बँकेवर निर्बंध लादले आहेत. बँकेचं कामकाज काल म्हणजेच गुरुवारी बंद झाल्यानंतर पुढील सहा महिन्यांच्या काळासाठी निर्बंध लादण्यात आले आहेत.

निर्बंधाची माहिती मिळताच लोक अंधेरीतील न्यू इंडिया को ऑपरेटिव्ह बँकेच्या शाखेबाहेर मोठी गर्दी केली आहे. सुरक्षेच्या कारणामुळं या ठिकाणी पोलीस बंदोबस्त वाढवण्यात आला आहे.

न्यू इंडिया को ऑपरेटिव्ह बँकेला कर्ज देण्यास आणि ठेवी स्वीकारण्यास निर्बंध घालण्यात आली आहे. ठेवीदारांनी आमचे पैसे कधी मिळतील, असा सवाल केला आहे.

बँकेवर निर्बंध घातल्याचा मेसेज आला त्यामुळं इथं आल्याचं ठेवीदारानं सांगितलं आहे. आरबीआयनं न्यू इंडिया को ऑपरेटिव्ह बँकेवर निर्बंध घातल्यानंतर गुंतवणूकदार मोठ्या संख्येनं ठेवींचं काय होणार या विचारातून जमा झाले आहेत.

आरबीआयनं सहा महिन्यांच्या कालावधीसाठी ठेवी काढण्यास निर्बंध घातले आहेत. भाजप नेते किरीट सोमय्यांनी ज्यांच्यामुळं बँक बुडाली आहे, त्यांच्यावर कारवाई होईल, असं म्हटलं आहे.